ခရီးသွားရင်း Passport ပျောက်ရင် ဘာလုပ်မလဲ? အရေးပေါ် ဖြေရှင်းနည်း အဆင့် (၄) ချက်

နိုင်ငံရပ်ခြားမှာ လည်ပတ်နေတုန်း 𝐏𝐚𝐬𝐬𝐩𝐨𝐫𝐭 ပျောက်သွားတဲ့ အခြေအနေမျိုးက ဘယ်သူမှ မကြုံချင်ဆုံး ခေါင်းခဲစရာ ကိစ္စနော်။ ခရီးသွားရတဲ့စိတ်နဲ့ ပျော်နေတာတွေ အကုန်ဇောက်ထိုးဖြစ်ပြီး ရင်မောရမယ့် ကိစ္စပေမဲ့ ပျာယာမခတ်သွားဘဲနဲ့ ဒီအဆင့်လေးတွေအတိုင်း ခေါင်းအေးအေးနဲ့ အကောင်းဆုံး ဖြေရှင်းနိုင်ပါတယ်နော် 👇

၁။ ရဲစခန်းမှာ တိုင်ချက်သွားဖွင့်ပါ 🚓
သိသိချင်း အနီးဆုံး ရဲစခန်းကို တန်းသွားပြီး 𝐏𝐨𝐥𝐢𝐜𝐞 𝐑𝐞𝐩𝐨𝐫𝐭 ယူပါ။ သံရုံးမှာ စာရွက်စာတမ်း ပြန်လျှောက်ဖို့ ဒီတိုင်ချက်စာရွက်က မရှိမဖြစ် လိုပါတယ်။

၂။ မြန်မာသံရုံး (သို့) ကောင်စစ်ဝန်ရုံးဆီ ဆက်သွယ်ပါ 🏛️
ရောက်နေတဲ့ နိုင်ငံမှာရှိတဲ့ မြန်မာသံရုံး/ကောင်စစ်ဝန်ရုံးဆီ ချက်ချင်း ဖုန်းဆက်တာဖြစ်ဖြစ်၊ လူကိုယ်တိုင် သွားတာဖြစ်ဖြစ် ဆောင်ရွက်ပါ။

အများအားဖြင့် လိုရမယ့် စာရွက်စာတမ်းများ:
• 𝐏𝐨𝐥𝐢𝐜𝐞 𝐑𝐞𝐩𝐨𝐫𝐭 (ရဲတိုင်ချက်စာရွက်)
• 𝐏𝐚𝐬𝐬𝐩𝐨𝐫𝐭 စာအုပ် မိတ္တူ (သို့) ဖုန်းထဲက 𝐏𝐚𝐬𝐬𝐩𝐨𝐫𝐭 ပုံ
• မှတ်ပုံတင် မိတ္တူ (ရှိရင် ယူသွားပါ)
• မိမိ၏ ဓာတ်ပုံ (𝐏𝐚𝐬𝐬𝐩𝐨𝐫𝐭 𝐒𝐢𝐳𝐞 - ၂ ပုံ)

၃။ အရေးပေါ် ခရီးသွားလက်မှတ် (𝐂.𝐈) လျှောက်ပါ 📄
အလည်သွားတာမို့ မြန်မာနိုင်ငံကို ပြန်နိုင်အောင် သံရုံးကနေ 𝐂.𝐈 (𝐂𝐞𝐫𝐭𝐢𝐟𝐢𝐜𝐚𝐭𝐞 𝐨𝐟 𝐈𝐝𝐞𝐧𝐭𝐢𝐭𝐲) လို့ခေါ်တဲ့ ယာယီ ခရီးသွားလက်မှတ် ထုတ်ပေးပါလိမ့်မယ်။

(မှတ်ချက် - ထိုင်း/စင်ကာပူလို သံရုံးရှိတဲ့ နိုင်ငံတွေမှာ ၂-၃ ရက် ဝန်းကျင်လောက်ပဲ ကြာနိုင်ပေမဲ့ သံရုံးမရှိတဲ့ နိုင်ငံတွေမှာတော့ အနီးစပ်ဆုံး သံရုံးဆီ ချိတ်ရတာမို့ အချိန် ပိုကြာနိုင်ပါတယ်)

၄။ 𝐈𝐦𝐦𝐢𝐠𝐫𝐚𝐭𝐢𝐨𝐧 ရဲ့ ညွှန်ကြားချက်အတိုင်း ဆက်လုပ်ပါ 🛂
သံရုံးက C.I ရလာရင် ထိုနိုင်ငံရဲ့ 𝐈𝐦𝐦𝐢𝐠𝐫𝐚𝐭𝐢𝐨𝐧 ရုံးကို သွားပြီး ဗီဇာ/အဝင်တံဆိပ်တုံးကို C.I ပေါ် ရွှေ့တာနဲ့ ပြည်ပြန်ခွင့် အတည်ပြုချက် ရယူရပါမယ်။ နိုင်ငံအလိုက် စည်းမျဉ်း မတူတာမို့ သံရုံးနဲ့ 𝐈𝐦𝐦𝐢𝐠𝐫𝐚𝐭𝐢𝐨𝐧 က ပြောတဲ့အတိုင်း ဆက်လုပ်ပေးပါ။

🌐 နိုင်ငံအလိုက် ကွာခြားနိုင်တာလေး သိထားပါ
(ရဲတိုင် → သံရုံးသွား → C.I. လျှောက်) ဆိုတဲ့ အခြေခံလုပ်ငန်းစဉ်က အများအားဖြင့် တူညီပါတယ်။ ဒါပေမယ့် ကိုယ်ရောက်နေတဲ့ နိုင်ငံမှာ မြန်မာသံရုံးရှိ၊ မရှိ အပေါ်မူတည်ပြီး ဆောင်ရွက်ရမယ့် ကြာချိန်နဲ့ လိုအပ်တဲ့ စာရွက်စာတမ်းတွေ အနည်းငယ် ကွာခြားနိုင်ပါတယ်။

ဒါကြောင့် သက်ဆိုင်ရာ မြန်မာသံရုံး (သို့) ကောင်စစ်ဝန်ရုံးရဲ့ ညွှန်ကြားချက်ကို အရင်ဆုံး မေးမြန်းပြီး ဆောင်ရွက်တာက အကောင်းဆုံးပါ။

💡 𝐓𝐫𝐢𝐩 𝐁𝐨𝐱 ရဲ့ 𝐓𝐫𝐚𝐯𝐞𝐥 𝐓𝐢𝐩:
ခရီးမထွက်ခင် 𝐏𝐚𝐬𝐬𝐩𝐨𝐫𝐭 နဲ့ ဗီဇာတွေကို ဖုန်းထဲမှာရော၊ 𝐆𝐨𝐨𝐠𝐥𝐞 𝐃𝐫𝐢𝐯𝐞/𝐄𝐦𝐚𝐢𝐥 ထဲမှာပါ 𝐒𝐨𝐟𝐭 𝐂𝐨𝐩𝐲 သိမ်းထားပါ။ ပျောက်သွားတဲ့အခါ အထောက်အထား ပြရတာ ပိုလွယ်ပြီး 𝐂.𝐈 ရတာလည်း အများကြီး မြန်သွားပါလိမ့်မယ်!